Sot mbyllet konkursi për pranimin e studentëve të rinj në UP

Sot mbyllet konkursi për pranimin e studentëve të rinj në UP

Universiteti i Prishtinës “Hasan Prishtina” sot mbyll konkursin për pranimin e studentëve të rinj për vitin akademik 2019/2020.

Këtë vit është paraparë që UP-ja të pranojë 7 mijë e 116 studentë në 66 programe studimi.

Në këtë numër prej 7 mijë e 116 studentë, 6 mijë e 206 do të jenë studentë të rregullt, ndërsa 910 studentë me korrespodencë.

Si shtesë e numrit të përgjithshëm, UP-ja do të regjistrojë deri në 12% të studentëve nga komunitetet joshumicë.

Po ashtu, është paraparë edhe regjistrimi i studentëve që vijnë nga Shqipëria, Maqedonia e Veriut, Mali i Zi dhe nga Lugina e Preshevës.

Për dallim nga vitet e kaluara, këtë vit nuk është paraparë kuotë për studentët që janë familjarë të ngushtë të dëshmorëve.

 

COMMENTS