Real Madridi në çerekfinale të Kupës së Mbretit, pas triumfit ndaj Zaragozës

Real Madridi në çerekfinale të Kupës së Mbretit, pas triumfit ndaj Zaragozës

Real Madridi ka kaluar në çerekfinale të Kupës së Mbretit, pasi e mundi me lehtësi të madhe 4:0 Zaragozën të mërkurën.

Raphael Varane, Lucas, Junior Vinicius dhe Karim Benzema i shënuan golat e triumfit për skuadrën e Zinedine Zidane në La Romareda, raporton Gazeta Express.

Madridi ishte tejet efikas ndaj klubit nga Segunda Division, niveli i dytë i futbollit spanjoll, duke shënuar katër herë në pesë tentime në kornizën e portës.

Zidane e nisi takimin pa Eden Hazard dhe Gareth Bale të lënduar dhe me Karim Benzeman në stol, duke e krijuar një vijë sulmuese Vinicius-Jovic-Lucas.

Varane e hapi serinë e golave në minutën e gjashtë, para se Lucas ta dyfishonte epërsinë e Madridit në minutën e 32-të.

Vinicius dhe Benzema, i ardhur nga stoli, shënuan edhe dy herë të tjera në minutat 72 dhe 79, përkatësisht.

Kjo ishte ndeshja e 20-të radhazi që Los Blancos nuk humbasin në të gjitha garat këtë sezon.

 

COMMENTS

COVID-19 Statistika

Këtu i keni informatat e fundit lidhur me pandeminë COVID-19