Pas dy muajsh mbylljeje, kafiteritë bëhen gati për ofrimin e shërbimit “merre-me-vete”

Pas dy muajsh mbylljeje, kafiteritë bëhen gati për ofrimin e shërbimit “merre-me-vete”

Kafiteritë nëpër Prishtinë kanë nisur që të përgatiten për ofrimin e shërbimit “merre-me-vete”, i lejuar që nga e hëna, kur nis faza e dytë e lirimit të masave nga Qeveria në detyrë e Kosovës.

Qytetarët nga nesër mund të marrin me vete porositë, pasi ende nuk lejohet qëndrimi brenda objekteve, kjo si shkak i parandalimit të përhapjes së Covid-19, raporton EO.

Sot, po ashtu është parë një numër i madh i njerëzve të cilët kanë dalë në sheshet e Prishtinës, madje ata kanë zgjedhur sheshet për të ngasur biçikletat.

Edhe pse rastet e prekura me Coronavirus po shtohen në ditët e fundit nga nesër do të lejohet dalja dy herë në ditë nga dy orë, sipas shifrës së parafundit në numrin personal të letërnjoftimit.

Përndryshe, Qeveria e Kosovës ka paralajmëruar se nëse nuk respektohen këto masa do t’i rikthejnë masat rigoroze sepse rrezikohet rikthimi i valës se pandemisë së virusit Corona.

Këto janë bizneset që do të rihapen nesër:

1. Floktarët dhe sallonet e ondulimit

2. Stomatologët dhe fizioterapeutët

3. Tregtarët me pakicë dhe tregu i gjelbër

4. Gastronomia (merre-me-vete, take aëay)

5. Transporti hekurudhor

6. Transporti urban dhe ndër-urban (me leje të veçanta)

7. Qendrat e thirrjeve telefonike (me lista të stafit esencial), si dhe

8. Hapja e galerive dhe muzeve.

 

COMMENTS

COVID-19 Statistika

Këtu i keni informatat e fundit lidhur me pandeminë COVID-19