Paralajmërimi i Qeverisë për izolim, Lutfi Haziri del kundër

Paralajmërimi i Qeverisë për izolim, Lutfi Haziri del kundër

Kryetari i Komunës së Gjilanit, Lutfi Haziri, ka folur rreth gjendjes me COVID-19 në komunën që ai drejton dhe për paralajmërimin e Qeverisë për izolim, pas rritjes së rasteve me këtë infeksion

I pyetur nëse përkrah një mbyllje tjetër për të parandaluar përhapjen e koronavirusit, Haziri ka thënë se izolimi nuk do të ishte një veprim i mirë i institucioneve.

“Jo, nuk mendoj se ajo do të ishte zgjidhja, unë jam më shumë për një kontroll më strikt, por jam kundër mbylljes. Jam i vetëdijshëm se kur shteti është i mbyllur dhe policia del në rrugë, gjithçka kontrollohet më lehtë, por ne duhet të përcjellim edhe shtetet fqinje dhe ky është një proces që nuk kemi mundësi të jemi imun vetëm ne”, ka thënë Haziri.

Ndryshe, ditëve të fundit ka pasur debate të shumta rreth mundësisë së mbylljes të pjesshme shkaku i rritjes së rasteve të infektuarve me Covid-19.

Kryeministri Avdullah Hoti dhe ministri i Shëndetësisë, Armend Zemaj, kanë deklaruar ditë më parë se në rast të “daljes nga kontrolli” të rasteve me virus, duhet të shqyrtohet mundësia e mbylljes së pjesshme apo izolimit.

 

COMMENTS