Marrëveshja për refugjatët, BE’ja ia jep Turqisë edhe 663 milionë euro

Marrëveshja për refugjatët, BE’ja ia jep Turqisë edhe 663 milionë euro

Komisioni Evropian do të dërgojë një pjesë të mëtejshme prej 663 milionë euro të fondeve që ra dakord me Turqinë, si pjesë e marrëveshjes për refugjatët të vitit 2016, njoftoi sot ekzekutivi i BE-së.

Paratë do të përdoren për të mbështetur programet e kujdesit shëndetësor dhe arsimit në Turqi, që është shtëpia e popullatës më të madhe të refugjatëve në botë. Turqia pret 4 milionë refugjatë, ku më shumë se 3,6 milionë janë nga Siria.

Në vitin 2016, BE u zotua se do të japë deri në 6 miliardë euro për të mbështetur refugjatët në Turqi. Në këmbim, Ankaraja ra dakord të parandalojë ata të hyjnë në bllok, i cili është thellësisht i përçarë në lidhje me mënyrën e trajtimit të azilkërkuesve.

Në muajt e fundit, Turqia i ka kërkuar BE-së më shumë fonde dhe u ankua se paratë e premtuara nuk janë dorëzuar.

Sipas ekzekutivit të BE-së, kësti i ri i parave tashmë ishte caktuar, por tani do të dërgohet.

 

COMMENTS