Liga e Kampionëve: Kush mund të kualifikohet sonte

Liga e Kampionëve: Kush mund të kualifikohet sonte

Pas ndeshjeve të ekipeve kombëtare dhe ndeshjeve të ligave vendore në fundjavë, tani futbollit i është kthyer edhe Liga e Kampionëve. Bayerni, Juventusi, Manchester City, PSG-ja, Tottenhami dhe Real Madridi tashmë janë kualifikuar për fazën eliminatore, por sonte atyre mund t’iu bashkohen edhe disa klube.

Përderisa gjashtë klube tashmë e kanë siguruar kualifikimin për fazën eliminatore të Ligës së Kampionëve, Club Brugge, Crvena Zvezda, Galatasaray, Genk, Lokomotiv Moska, Lille dhe Olympiacos e kanë të pamundur kualifikimin.

Kush mund të kualifikohet sonte?

Grupi E: Liverpool vs Napoli, Genk vs Salzburg

– Liverpooli do të kalojë nëse e mposht Napolin, ose nëse Salzburgu nuk fiton kundër Genkut. Liverpoolit do ta fitojë vendin e parë në grup me një fitore.

– Napoli do të kalojë nëse e mposht Liverpoolin, ose nëse Salzburgu nuk e mposht Genkun.

– Salzburgu do ta ketë të pamundur kualifikimin nëse nuk fiton sot kundër Genkut. Një barazim do ta konfirmonte vendin e tretë për Salzburgun.

– Genku e ka të pamundur kualifikimin dhe do të konfirmohet në vendin e fundit në grup nëse nuk fiton sot kundër Salzburgut.

Grupi F: Barcelona vs Borussia Dortmund, Slavia Praha vs Inter

– Barcelona do të kualifikohet nëse e mposht Dortmundin, nëse të dyja ndeshjet përfundojnë baras pse nëse Slavia e mposht Interin.

– Dortmundi do të kualifikohet nëse e mposht Barcelonën.

– Interi do ta ketë të pamundur kualifikimin nëse humb sot.

– Slavia do ta ketë të pamundur kualifikimin nëse nuk e mposht Interin ose nëse Dortmundi e mposht Barcelonën.

Grupi G: Zenit vs Lyon, Leipzig vs Benfica

– Leipzigu do të kualifikohet nëse i shmanget disfatës kundër Benficas ose nëse Zeniti nuk e mposht Lyonin. Leipzigu do ta zë vendin e parë ëse fitojnë dhe Lyoni barazon ose humb.

– Lyoni do të kualifikohet nëse fiton kundër Zenitit.

– Zeniti do ta ketë të pamundur kualifikimin nëse humb kundër Lyonit.

– Benfica do ta ketë të pamundur kualifikimin nëse nuk fiton kundër Leipzigut.

Grupi H: Valencia vs Chelsea, Lille vs Ajax

– Chelsea do të kualifikohet nëse fiton.

– Valencia do të kualifikohet nëse fiton.

– Ajaxi nuk mund ta sigurojë kualifikimin apo eliminimin në këtë xhiro.

– Lille s’mund të kualifikohet dhe do të konfirmohet në vendin e fundit në grup nëse nuk fiton. /Gazeta Express

 

COMMENTS