Kryetari i Ferizajt njofton se nesër fillojnë punimet për ndërtimin e Spitalit të ri Rajonal

Kryetari i Ferizajt njofton se nesër fillojnë punimet për ndërtimin e Spitalit të ri Rajonal

Kryetari i Komunës së Ferizajt, Agim Aliu, ka njoftuar qytetarët se nesër fillojnë punimet për ndërtimin e Spitalit të ri Rajonal.

“Të dashur bashkëqytetarë!

Odisejada me ndërtimin e Spitalit të ri Rajonal në Ferizaj po merr fund. Siç jam zotuar, edhe ky projekt po merr rrugën e duhur, projekt ky që e kam nisur nga viti 2013. Arritëm të tejkalojmë një betejë të gjatë ligjore e politike. Arritëm të bëjmë zgjidhjen përfundimtare që qytetarët të kenë Spitalin e ri Rajonal. Fillimi i ndërtimit të Spitalit të ri Rajonal në Ferizaj është çështje orësh. Sot është lëshuar edhe leja ndërtimore për këtë vepër të rëndësishme publike. Nesër do të vendosim gurthemelin e këtij investimi. Falënderoj të gjithë akterët e nivelit lokal dhe qendror që me durim të pakursyer, angazhim e besim në këtë projekt arritëm t’ia dalim. Urime gjithë qytetarëve të Ferizajt!”, ka shkruar kryetari Aliu.

 

COMMENTS