Kina do ta lejojë OBSH’në të kryejë hetime për pandeminë, por pasi të përfundojë

Kina do ta lejojë OBSH’në të kryejë hetime për pandeminë, por pasi të përfundojë

Pas akuzave nga SHBA-ja dhe shtetet e tjera të perëndimit, se Kina nuk është treguar e sinqertë në lidhje me shpërthimin e pandemisë së COVID-19, drejtuesit e shtetit aziatik kanë marrë vendimin, që të lejojnë të kryhen hetime nga Organizatën Botërore të Shëndetit (OBSH).

Por hetimi sipas tyre duhet të jetë “i hapur, transparent dhe gjithëpëfshirës” e të kryhet pasi pandemia të jetë shuar.

Kina informoi se do të mbështesë OBSH-në në përpjekjet për të zbuluar origjinën e pandemisë, por deklaroi se çdo hetim duhet të jetë shkencor dhe jo në një kontekst politik.

Pekini ka hedhur poshtë çdo akuzë. Kohët e fundit autoritetet e këtij vendit hedhin hipotezën se virusi mund ta ketë pasur origjinën jashtë Kinës.

Një zëdhënës i Ministrisë së Jashtme kineze akuzoi sekretarin amerikan të Shtetit, Mike Pompeo se i kishte sajuar provat e tij “duke krijuar një gënjeshtër për të mbuluar një gënjeshtër tjetër”.

 

COMMENTS

COVID-19 Statistika

Këtu i keni informatat e fundit lidhur me pandeminë COVID-19