“Kënga e UÇK-së e paguar”, Si nisi përplasja e Adelina Ismailit me Arif Vladin?

“Kënga e UÇK-së e paguar”, Si nisi përplasja e Adelina Ismailit me Arif Vladin?

Këngëtarja e njohur Adelina Ismaili, në emisionin e saj “Tete a Tete me Adelinën” ka prekur tema të ndryshme me të ftuarin e saj, kreun e Nismës dhe një nga eprorët e UÇK-së, Fatmir Limaj, shkruan Gazeta Express.

Gjatë kësaj interviste, ishte komentuar edhe kënga “Marshi i UÇK-së” e interpretuar nga artisti i mirënjohur, Arif Vladi.

Gjatë bisedës me Limajn, Adelina Ismaili e pyeti atë se a ka dëgjuar ndonjë këngë të saj, derisa ai i tregoi se e pëlqen këngën “Ushtrinë time”, dhe i tha që ajo këngë ishte dashur të bëhet më herë, që të shërbejë si frymëzim për UÇK-në.

“Marshi i UÇK-së na ka frymëzuar”, i thotë Limaj Ismailit.

Në këtë pikë, Limaj përmend që “Marshi i UÇK-së” ishte frymëzimi i luftëtarëve të Kosovës, ndërsa Adelina i thotë se edhe ajo do të ishte frymëzuar po t’i kishte marrë paratë që i ka marrë Vladi.

“Po isha frymëzuar edhe unë, t’i kisha marr paret që i ka marr ai”, pohon ajo duke buzëqeshur.

Teksa Limaj i thotë se nuk e di për atë pjesë, Adelina ia kthen se e di ajo.

“E di unë”, i thotë Adelina Ismaili, mysafirit të saj Fatmir Limaj.

Për këtë deklaratë ka reaguar Adelinës interpretuesi i “Marshit të UÇK-së”.

Ai në profilin e tij në Facebook ka thënë: “Dëgjojeni çfarë paska thënë Adelina Ismajli. Unë paskam marrë para për Marshin e UÇK-së. Bile mund të këndonte edhe ajo. Ti, Adelinë as 1000 si ti nuk do mundeni”.

Në fund të postimit, Vladi ka thënë se do ta paraqesë këngëtaren në gjyq, nëse ajo nuk e publikon se kush e ka paguar.

Këngëtarja nuk e ka lënë me kaq, ajo ka reaguar ashpër më pas në llogarinë e saj në Instagram, më saktësisht në instastoryn duke i thënë këto fjalë:

“Mirëmëngjesi Arif Vladi. A po don gjyq me mua? A i ke paguar taksa Kosovës kur je paguar në koncertet që lajmëroheshin si humanitare? Zvicrës? Gjermanisë? Etj, Ky është vetëm fillimi. Ju duhet të qëndroni me emisionin “ Tetë –a-Tetë…” për të kuptuar se kush vërtet jeni. Vërtet ka kaluar koha kur keni shkelur mbi njerëzit e mirë, kur keni shitur të shenjtën. Ama tash faqën ta qnuki pak”, ka përfunduar këngëtarja.

 

COMMENTS