Detaje rreth ngjarjes tragjike në Lipjan, ku u vra një person dhe u plagosen pesë të tjerë

Detaje rreth ngjarjes tragjike në Lipjan, ku u vra një person dhe u plagosen pesë të tjerë

Si pasojë e një përleshje në Hallaq i Madh të Lipjanit, një person ka vdekur dhe pesë persona të tjerë kanë marrë lëndime trupore.

Dyshohet se të përfshira janë dy familje nga fshati Ribar i Madh.

Me rastin në fjalë po merren organet e hetuesisë, derisa vdekja e një personi është konstatuar nga ekipi mjekësor i QKUK-së.

Ngjarja:

Një person ka ndërruar jetë në një plagosje me armë zjarri që ka ndodhur në fshatin Hallaq të Lipjanit. Të plagosur sipas policisë ishin gjithsej gjashtë persona, raporton Gazeta Express.

Rastin për Gazetën Express e ka konfirmuar zëdhënësja e policisë në Prishtinë, Flora Ahmeti.

Ajo ka bërë të ditur se policia e ka marrë informacionin sot rreth orës 07:00.

“Sot rreth orës 07:00, policia ka marrë informacionin për një plagosje me arme zjarri në fshatin Hallaq i madh të Lipjanit. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes”, tha Ahmeti.

“Bazuar në të dhënat fillestare në këtë vend janë plagosur 6 persona, prej tyre një mashkull , shtetas i Republikës se Kosovës, i cili nuk mundur tu përballoj plagëve të mara nga arma e zjarrit ka ndërruar jetë. Vdekjen e viktimës e ka konstatuar ekipi mjekësor në QKUK. Aktualisht hetuesit policor janë duke punuar për të sqaruar të gjitha rrethanat që lidhen me rastin”, tha Ahmeti.

 

COMMENTS

COVID-19 Statistika

Këtu i keni informatat e fundit lidhur me pandeminë COVID-19