Belgjikës i shtohet papritur një princeshë, ADN’ja zbulon një vajzë të ish-mbretit

Belgjikës i shtohet papritur një princeshë, ADN’ja zbulon një vajzë të ish-mbretit

Belgjikës papritur i është shtuar një tjetër princeshë, ndonëse nuk bëhet fjalë për një lindje të re ose dasmë në pallatin mbretëror në Laeken, ku jeton familja e mbretit Philip.

Princesha e re është 52-vjeçare, skulptore dhe quhej deri dje Delphine Boël. Por që sot me urdhër të gjykatës belge ajo do të shtojë edhe mbiemrin e familjes Coburg-Gotha, si pjesëtare legjitime e saj si motër e mbretit.

Gruaja ka fituar një betejë gjyqësore me ish-mbretin Albert III, që nuk e njihte atësinë mbi të bijën e lindur nga një lidhje jashtëmartesore në vitin 1968, ndërkohë që ishte e martuar me Paola Ruffo di Calabria.

Alberti 86-vjeçar ka mohuar me vite atësinë, por pas pothuajse dy dekadash zhurme mediatike Gjykata belge e shtrëngoi në vitin 2018 të bënte testin e ADN-së, ku shkelja e vendimit do t’i kushtonte 5 mijë euro në ditë.

Rezultatet i dhanë të drejtë Delphine Boël dhe tashmë edhe fëmijët e saj mund të mbajnë titullin “princë të belgëve”.

 

 

COMMENTS